SALAMU ZA MWAKA MPYA 2026 KUTOKA KWA MWENYEKITI WA TANZANIA BLOGGERS NETWORK (TBN)

Ndugu Wasomaji na Watumiaji wa Blogu Tanzania.

Tunapouaga mwaka 2025, nachukua fursa hii, kwa niaba ya wanachama wote wa Tanzania Bloggers Network (TBN), kuwapongeza Watanzania wenzangu kwa kumaliza mwaka huu "kibabe". 

Tumekuwa na mwaka wenye matukio mengi ya kihistoria, na ninyi wasomaji wetu mmekuwa wadau muhimu kwa kufuatilia habari, uchambuzi, na taarifa mbalimbali kupitia majukwaa yetu ya kidijitali.

Kuelekea Mwaka 2026: Makubwa Zaidi Yanakuja! Mwaka 2026 unakwenda kuwa mwaka wa mageuzi makubwa kwa TBN. Tunatarajia kuleta maudhui yenye ubunifu wa hali ya juu, habari za kina, na teknolojia ya kisasa zaidi katika kuhabarisha umma. Wanachama wetu wamejipanga kuwa daraja imara zaidi kati ya serikali na wananchi, tukihakikisha kila Mtanzania anapata habari sahihi na kwa wakati.

Ombi Langu kwa Watanzania: Tunapoingia 2026, rai yangu ni kuendelea kudumisha amani na utulivu. Tuepuke vurugu na migawanyiko, badala yake tujikite katika umoja wetu kama Taifa. Huu ni wakati wa kuungana kwa nguvu moja kutekeleza Dira ya Taifa ya Maendeleo 2050 (Vision 2050). Lengo letu ni moja: kuhakikisha kila Mtanzania, kuanzia mjini hadi vijijini, anafaidi "keki ya taifa" na kupata maendeleo ya kweli.

Mwaka 2026 uwe mwaka wa neema, baraka, na mafanikio tele katika kazi na shughuli zenu za kila siku.

Heri ya Mwaka Mpya 2026!

Beda Msimbe

Mwenyekiti, Tanzania Bloggers Network (TBN).

Serikali imeanza mpango wa kuunganisha kitambulisho cha Taifa na Huduma nyingine za kiserikali

Serikali imeanza mpango wa kuunganisha kitambulisho cha Taifa na Huduma nyingine za kiserikali ikiwemo Bima ya Afya,Leseni ya udereva na Masuala ya Mifuko ya Hifadhi ya Jamii ili kuepusha utitiri wa vitambulisho pale mwananchi anapohitaji huduma mbalimbali.

Kauli hiyo imetolewa na Waziri wa Mambo ya Ndani ya Nchi,George Simbachawene akizungumza katika Kikao Kazi cha Tathmini ya Utekelezaji wa Ahadi za siku Mia Moja za Mheshimiwa Rais wa Jamhuri ya Muungano wa Tanzania, Dkt. Samia Suluhu Hassan kinachofanyika mkoani Pwani chini ya Mkuu wa Mkoa wa Pwani, Abubakari Kunenge, Wakuu wa Wilaya na Viongozi wengine wa juu wa ngazi ya mkoa.

MSIGWA: RAIS DKT. SAMIA AMEAHIDI KUFANYA KAZI NA WAANDISHI WA MTANDAONI

 

Dar es Salaam Desemba 18, 2025: 

Rais wa Jamhuri ya Muungano wa Tanzania, Dkt. Samia Suluhu Hassan, amewapongeza waandishi wa habari za mtandaoni na bloga wanaounda Mtandao wa Mabloga Tanzania (TBN) na Jukwaa la Mitandao Tanzania (JUMIKITA), na kuagiza Wizara ya Habari, Utamaduni, Sanaa na Michezo pamoja na Mamlaka ya Mawasiliano Tanzania (TCRA) kuwalea vizuri na kuwapa fursa ili waweze kutekeleza majukumu yao kwa ufanisi.

Pongezi na maelekezo hayo yameelezwa na Katibu Mkuu wa Wizara ya Habari, Utamaduni, Sanaa na Michezo ambaye pia ni Msemaji Mkuu wa Serikali, Bw. Gerson Msigwa, alipokuwa akifunga kikao cha pamoja cha wanachama wa TBN na JUMIKITA kilichoandaliwa na TCRA Jijini Dar es Salaam, Desemba 18, 2025.

Bw. Msigwa alisema Rais Samia anatambua mchango mkubwa wa waandishi wa habari za mtandaoni katika kusambaza taarifa na kuimarisha mawasiliano kati ya serikali na wananchi, hivyo akaagiza wapewe malezi, miongozo na fursa zitakazowawezesha kufanya kazi zao kwa weledi.

“Mheshimiwa Rais amewapongeza sana na anatambua kazi zenu nzuri. Ni maelekezo yake kwamba kupitia Wizara ya Habari, Utamaduni, Sanaa na Michezo, Idara ya Habari MAELEZO na Wizara ya Mawasiliano na Teknolojia ya Habari kupitia TCRA, waandishi wa habari za mitandaoni na bloga walelewe vizuri na wapewe fursa ili wafanye kazi zao vizuri,” amesema Msigwa.

Amesisitiza kuwa maelekezo hayo ni maagizo ya moja kwa moja kutoka kwa Rais na kwa utaratibu wa kiserikali, yanapaswa kutekelezwa bila mjadala.

“Haya kwetu ni maelekezo. Kwa utaratibu wa serikali, ukishapewa maelekezo kinachofuata ni utekelezaji. Ndiyo maana tupo hapa kuhakikisha maagizo ya Mheshimiwa Rais yanatekelezwa,” amesema Msigwa huku akishangiliwa na washiriki wa kikao hicho.

Aidha, alisema mwelekeo huo unaendana na falsafa ya Serikali ya Awamu ya Sita inayoongozwa na Rais Dkt. Samia Suluhu Hassan, inayosisitiza ushirikiano kati ya serikali na wadau mbalimbali kwa manufaa ya taifa.

Ameitaja Tanzania Bloggers Network (TBN) na Jukwaa la Mitandao Tanzania (JUMIKITA) kuwa ni wadau wakubwa wa serikali katika tasnia ya habari, akibainisha kuwa mchango wao ni muhimu katika kusambaza taarifa sahihi na kujenga mawasiliano yenye tija kati ya serikali na wananchi.

“Serikali inawaamini Waandishi wa mitandaoni. sasa ni wajibu wenu kuendeleza imani hiyo kwa kuzingatia maadili, ukweli na uzalendo katika kazi zenu. Ushirikiano wetu umeendelea kuimarika na changamoto zinazojitokeza tunazitatua kwa pamoja,” amesema Msigwa.

Kikao hicho kimelenga kuimarisha ushirikiano kati ya serikali na wadau wa habari za mtandaoni pamoja na kujadili masuala ya maendeleo ya tasnia ya habari katika mazingira ya kidijitali.

MSIGWA: SERIKALI YAIMARISHA USHIRIKIANO NA WAANDISHI WA HABARI MTANDAONI

 

Katibu Mkuu wa Wizara ya Habari, Utamaduni, Sanaa na Michezo, ambaye pia ni Msemaji Mkuu wa Serikali, Ndg. Gerson Msigwa, amesema Serikali ya Awamu ya Sita imeendelea kuimarisha ushirikiano na waandishi wa habari wa mitandaoni pamoja na mabloga kwa lengo la kujenga tasnia ya habari iliyo imara, yenye weledi na inayolinda maslahi ya taifa.

Akizungumza na waandishi wa habari jijini Dar es Salaam, Ndg. Msigwa alisema Serikali imechagua mkondo wa kushirikiana na kuwalea wadau wa habari badala ya kuchukua hatua za adhabu, akibainisha kuwa mitandao ya kijamii imekuwa sehemu muhimu ya mawasiliano ya kisasa na ujenzi wa taifa.

Alieleza kuwa katika dunia ya sasa, mapambano mengi yamehama kutoka kwenye uwanja wa kijeshi kwenda kwenye uwanja wa taarifa, hali inayofanya kazi ya waandishi wa habari kuwa nyeti kwa mustakabali wa nchi.

“Habari mnazozitoa zinaweza kuijenga nchi au kuharibu taswira yake. Ndiyo maana Serikali inaona umuhimu wa kushirikiana nanyi,” alisema Msigwa.

Katibu Mkuu huyo aliipongeza Mamlaka ya Mawasiliano Tanzania (TCRA) kwa mwelekeo wake wa kulea wadau wa sekta ya habari, akisema hatua hiyo imeongeza imani kati ya Serikali na waandishi wa habari wa mitandaoni. Aidha, aliitaja TBN na JUMIKITA kuwa ni wadau wakubwa wa Serikali katika kusambaza taarifa sahihi kwa umma.

Ndg. Msigwa aliwahakikishia waandishi wa habari ulinzi wa Serikali, akieleza kuwa endapo sheria, kanuni au sera zitabainika kuwa kikwazo katika utekelezaji wa majukumu yao, Serikali iko tayari kuzifanyia marekebisho kwa maslahi mapana ya taifa.

Ameongeza kuwa Serikali, kwa kushirikiana na TCRA na Wizara ya Habari, ipo katika maandalizi ya kutoa mafunzo maalum kwa waandishi wa habari wa mitandaoni pamoja na kuandaa mikakati ya kuwawezesha kiuchumi.

Kuhusu masuala ya kodi, alisema Serikali itaendelea kushirikiana na TRA ili kutatua changamoto zinazowakabili waandishi wa habari wa mitandaoni, huku ikitambua mchango wao mkubwa katika kuitangaza Tanzania na kuvutia wawekezaji.

Akihitimisha, Ndg. Msigwa aliwataka waandishi wa habari kutumia majukwaa yao kwa uzalendo, uwajibikaji na weledi, akisisitiza kuwa Serikali inawaona kama washirika muhimu katika ujenzi wa taifa na kuimarisha demokrasia.

TAARIFA KUHUSU MCHANGO WA TANZANIA BLOGGERS NETWORK (TBN) KATIKA ANGA LA KIDI JITALI

 

Mwenyekiti wa TBN Beda Msimbe akikabidhi taarifa hiyo kwa Mkurugenzi Mkuu wa TCRA Dk. Jabiri Bakari baada ya kuisoma, leo.

1. Kuitangaza Tanzania Katika Ulimwengu wa Kidijitali
Tanzania Bloggers Network (TBN) imekuwa mstari wa mbele katika kuhakikisha kuwa taswira ya Tanzania inang’ara kimataifa. Kupitia machapisho ya kidijitali, wanachama wa TBN wamefanikiwa:

Kutangaza Utalii na Utamaduni: Kuonyesha vivutio vya nchi kwa hadhira ya ndani na nje ya nchi.
Habari Chanya (Positive Narrative): Kujaza nafasi ya mtandaoni na taarifa zinazojenga taswira nzuri ya nchi, maendeleo ya kiuchumi, na fursa za uwekezaji.
Diplomasia ya Kidijitali: Kuwa daraja kati ya serikali, sekta binafsi, na wananchi katika kusambaza taarifa muhimu kwa haraka.

2. Mafanikio na Tuzo
Ufanisi wa TBN unajidhihirisha kupitia ubora wa kazi za wanachama wake. Mtandao huu unajivunia wadau ambao wameshinda tuzo mbalimbali za uandishi wa habari na ubunifu wa kidijitali (ndani na nje ya nchi). Tuzo hizi ni ushahidi kuwa blogu za Kitanzania si vyanzo vya habari tu, bali ni taasisi za kitaaluma zinazozingatia ubunifu na weledi.

3. Changamoto Kubwa: Ada na Leseni
Pamoja na kazi kubwa inayofanywa, wanachama wa TBN wanakabiliwa na vikwazo vya kisheria na kifedha ambavyo vinahatarisha uendelevu wa kazi zao:

Gharama Kubwa za Leseni: Ada za sasa za usajili wa maudhui mtandaoni (Online Content License) ni mzigo mkubwa kwa wanablogu wadogo na wa kati.
Urasimu na Ada za Mwaka: Hali hii inasababisha baadhi ya wabunifu kushindwa kurasimisha kazi zao au kuacha kabisa taaluma hii.

MCHANGANUO WA KIMATAIFA: BLOGU NA UDHIBITI WA KIDIJITALI
1. Ulinganifu wa Kikanda (East Africa Context)
Tanzania imekuwa na mfumo wa kipekee ambao ni mgumu zaidi ikilinganishwa na majirani zetu:

Kenya: Hakuna hitaji la leseni ya gharama kubwa kuanzisha blogu. Bloggers wanatambuliwa kupitia umoja wao (BAKE - Bloggers Association of Kenya) ambao hutoa tuzo na mafunzo. Udhibiti unakuja tu pale mwanablogu anapokiuka sheria za makosa ya mtandao (Cybercrimes), si kwa kutoza ada ya awali ya uendeshaji.

Uganda/Rwanda: Ingawa kuna usajili, gharama zao na mchakato wa urasimu haujawa kizingiti kikubwa kama ilivyo hapa nchini. Mara nyingi mkazo huwekwa kwenye maudhui na si ada ya kuingia sokoni.

2. Mifumo ya Kimataifa (Global Best Practices)
Katika nchi zilizoendelea na mataifa yanayochipukia kidijitali (kama Nigeria na Ghana), blogu huendeshwa kwa misingi ifuatayo:

Self-Regulation (Kujidhibiti): Mitandao ya wanablogu (kama TBN) ndiyo hupewa jukumu la kusimamia maadili ya wanachama wake. Serikali huingilia tu pale usalama wa taifa unapoguswa.

Blogu kama Biashara Ndogo (SME): Badala ya kulipia leseni ya utangazaji (Broadcasting License), blogu hutambuliwa kama biashara ndogo inayolipa kodi ya mapato (Income Tax) kutokana na matangazo, jambo ambalo linaongeza mapato ya nchi bila kuua mtaji wa mwananchi.

3. Hoja za Kulinganisha kwa Ajili ya Maboresho (Policy Recommendations)
Ili TBN iweze kushindana kimataifa, mabadiliko yafuatayo ni muhimu:

Eneo la Marekebisho
Hali ya Sasa Tanzania
Mtazamo wa Kimataifa
Pendekezo la TBN

Aina ya Leseni
Inachukuliwa kama "Online Content Provider" (Gharama kubwa).

Inachukuliwa kama "Personal/Professional Journal".
Blogu ziondolewe kwenye kundi la "Content Providers" na ziwe "Digital Platforms".

Gharama
Ada ya maombi na ada ya mwaka (Mamilioni ya Shilingi).
Mara nyingi ni bure au ada ndogo ya usajili wa kampuni pekee.

Futa ada za leseni kwa blogu zinazochipukia; weka ada ndogo sana kwa zinazofanya biashara kubwa.

Udhibiti
Unafanywa moja kwa moja na Mamlaka (TCRA).
Unafanywa na Mashirikisho (kama TBN) na Bodi za Vyombo vya Habari.

Ikasimu madaraka kwa TBN kusimamia maadili (Responsible Journalism) kwa wanachama wake.

4. Faida za Kufuata Mifumo ya Kimataifa
Kuongezeka kwa Taarifa Chanya: Ikiwa kizingiti cha pesa kitaondolewa, vijana wengi wabunifu watafungua blogu zinazotangaza vivutio vya Tanzania, hivyo kuizidi nguvu "fake news" au taarifa hasi kutoka nje.
Kukuza Ajira: Blogu ni sekta inayotoa ajira kwa vijana (waandishi, wapiga picha, na wataalamu wa IT). Ada kubwa zinaua ajira hizi.

Ushindani wa Kikanda: Wanablogu wa Tanzania wataweza kushindana na wa Kenya au Nigeria katika kupata matangazo makubwa ya kimataifa (Google AdSense, etc.) kwa sababu watakuwa wanafanya kazi katika mazingira rafiki.

Tujue hili
"Tanzania haiwezi kuwa kisiwa katika anga la kidijitali. Ili TBN iendelee kuwa injini ya kuitangaza nchi, ni lazima mfumo wetu wa leseni ulandane na mwelekeo wa dunia—ambako ubunifu unachochewa kwa kuondoa vikwazo, si kwa kuweka kuta za kifedha."

Hebu tuangalie  Jedwali hili linaonyesha jinsi vizingiti vya kifedha nchini Tanzania vilivyo juu ikilinganishwa na majirani zetu wa karibu.

MCHANGO WA KITAKWIMU: ADA ZA MAUDHUI YA KIDI JITALI AFRIKA MASHARIKI (ESTIMATES)
Nchi
Aina ya Kibali / Leseni
Gharama ya Makadirio (TZS)
Maelezo ya Ziada

Tanzania
Online Content License
Tsh 500,000 - 1,000,000+
Ada ya maombi na ada ya mwaka ni kubwa. Kuna faini kali kwa kutokuwa na leseni.

Kenya
Hakuna (General Freedom)
0 TZS
Hakuna leseni ya blogu. Unasajili kampuni tu (SME) kama unataka kufanya biashara rasmi.

Uganda
UCC Authorization
Tsh 60,000 - 100,000
Kuna usajili wa mara moja kwa watoa maudhui, lakini gharama ni rafiki ikilinganishwa na Tanzania.

Rwanda
Media Accreditation
Tsh 20,000 - 50,000
Mkazo upo kwenye kufuata maadili ya uandishi wa habari kupitia baraza la habari (RMC).


Uchambuzi wa Hoja Kutokana na Takwimu Hizi:
Ushindani wa Kikanda: Blogu ya Kenya au Uganda ina uwezo wa kutumia bajeti yake yote ($400 - 500) kwenye vifaa (Camera, Mic) na matangazo (Marketing), wakati mwanablogu wa Tanzania anatumia kiasi hicho hicho kulipia leseni tu. Hii inawafanya majirani zetu kuwa na ubora mkubwa wa picha na sauti kuliko sisi.

Kuziba Pengo la Taarifa (Information Gap): Kwa kuwa nchi jirani hazina ada, zina maelfu ya blogu zinazoelezea mambo yao mazuri. Sisi, kwa kuwa na ada kubwa, tunapunguza idadi ya wasemaji wa taifa mtandaoni, jambo linalotoa mwanya kwa watu wa nje kutusemea (mara nyingi vibaya).

Urasimishaji badala ya Udhibiti: Ikiwa ada itafutwa au kupunguzwa hadi kufikia kiwango cha chini (mfano Tsh 50,000), TBN itaweza kuwasajili wanachama wengi zaidi. Hii itarahisisha serikali kuwafahamu na kuwasimamia kupitia TBN badala ya kutumia nguvu kubwa ya kisheria.
Mapendekezo ya Hitimisho kwa TBN:

"Tunaiomba serikali iondoe ada ya leseni kwa blogu na badala yake iweke mfumo wa usajili wa bure au wa gharama nafuu sana. Hii itawageuza maelfu ya vijana wa TBN kuwa 'Mabalozi wa Kidijitali' wa Tanzania, wakishibisha anga la mtandao na taarifa chanya, utalii, na fursa za uwekezaji bila hofu ya kukamatwa au kushindwa kulipa ada."

Nimezungumza sana  lakini nini Hoja za Mashiko za TBN kwa Serikali Huu ndio muhtasari wa nilichosema
Hoja 5 za Mashiko za TBN.

1. Balozi wa Kidijitali: TBN inatangaza Tanzania chanya, lakini ada kubwa ni kizingiti kwa "diplomasia ya kidijitali".

2. Ushindani wa Kikanda: Kenya na Uganda zina ada sifuri au ndogo sana; wanablogu wetu wanashindwa ushindani kutetea nchi na kuwa na ubora wa maudhui.

3. Kukuza Ajira: Blogu ni sekta ya ajira kwa vijana. Kufuta ada kutaruhusu vijana wengi kujiajiri na kurasimisha biashara zao.

4. Udhibiti kupitia TBN: Badala ya adhabu za kifedha, TBN itumike kusimamia maadili (Responsible Journalism) na kutoa mafunzo.

5. Kushibisha Space ya Taarifa: Bila ada, kutakuwa na maudhui mengi chanya yanayozidi nguvu taarifa potofu (fake news) kuhusu nchi

MSIGWA AIPONGEZA TCRA KWA KULEA MABLOGA NA WAAANDISHI WA MTANDAONI

Serikali ya Awamu ya Sita imeendelea kuonesha dhamira ya dhati ya kulea na kuwawezesha waandishi wa habari wa mitandaoni na mabloga, badala ya kuwashughulikia kwa mtazamo wa adhabu, ili kujenga tasnia imara na yenye tija ya habari nchini.

Akizungumza na waandishi wa habari jijini Dar es Salaam, Katibu Mkuu wa Wizara ya Habari, Utamaduni, Sanaa na Michezo, na Msemaji Mkuu wa Serikali, Bw. Gerson Msigwa, aliipongeza Mamlaka ya Mawasiliano Tanzania (TCRA) kwa mwelekeo wake wa kulea wadau wa sekta ya habari badala ya kuchukua hatua kali za kinidhamu.

Msigwa alisema mwelekeo huo unaendana na falsafa ya Serikali ya Awamu ya Sita inayoongozwa na Rais Dkt. Samia Suluhu Hassan, ambayo inalenga kushirikiana na wadau mbalimbali kwa manufaa ya taifa.

Aliitaja Tanzania Bloggers Network (TBN) na Jukwaa la Mitandao Tanzania (JUMIKITA) kuwa ni wadau wakubwa wa serikali katika tasnia ya habari, akisisitiza kuwa mchango wao ni muhimu katika kusambaza taarifa na kujenga mawasiliano kati ya serikali na wananchi.

“Serikali imewaamini waandishi wa mitandaoni, sasa nanyi muendelee kuonesha imani kwa serikali. Ushirikiano wetu umeendelea kuimarika na changamoto zinazojitokeza tunazitatua kwa pamoja,” alisema Msigwa.

Akikanusha madai kuwa waandishi wa habari wa mitandaoni ni dhaifu, Msigwa alisema wanatekeleza wajibu wao ipasavyo na wana nafasi kubwa ya kutumia kalamu zao kujenga taifa.

“Nimekuwa nikisisitiza waandishi tutumie kalamu zetu kujenga nchi. Mnafanya kazi sahihi na mnalinda maslahi ya taifa,” aliongeza.

Msigwa aliwahakikishia waandishi ulinzi wa serikali, akisema endapo sheria, kanuni au sera zitabainika kuwa kikwazo katika utendaji wao, zitafanyiwa marekebisho kwa maslahi mapana ya taifa.

Alitangaza pia kuanza kwa maandalizi ya mafunzo kwa waandishi wa habari kwa kushirikiana na TCRA, akiwataka kuyapokea kwa mtazamo chanya kama sehemu ya kuongeza weledi na taaluma.

Kuhusu masuala ya kodi, Msigwa alisema serikali itaendelea kushirikiana na Mamlaka ya Mapato Tanzania (TRA) ili kutatua changamoto zinazowakabili waandishi wa mitandaoni, akitambua mchango wao katika kuitangaza nchi na kuvutia uwekezaji.

Aidha, alieleza kuwa Wizara ya Habari, Utamaduni na Michezo ipo katika mchakato wa kuanzisha mfuko maalum kwa ajili ya kuwawezesha waandishi wa habari, hususan wa mitandaoni.

Akizungumzia mazingira ya sasa ya kimataifa, Msigwa alisema vita vya dunia ya sasa vimehama kutoka silaha za kijeshi kwenda kwenye taarifa, akisisitiza kuwa vyombo vya habari vina jukumu kubwa la kulinda na kuipromote nchi.

Aliwahimiza waandishi kuhakikisha majukwaa yao yanatumika kulinda maslahi ya taifa na kuonya dhidi ya matumizi mabaya ya mitandao yanayoweza kuharibu taswira ya Tanzania.

Hata hivyo, Msigwa alionesha kusikitishwa na tabia ya baadhi ya waandishi kunyamaza wanapodhalilishwa, akiwataka kusimama na kulinda hadhi ya taaluma yao.

Miaka 64 ya Uhuru: TBN Yasema “Amani Kwanza, Ujenzi wa Taifa Daima

 

Leo Desemba 9, tunapoadhimisha miaka 64 tangu Taifa letu lipate Uhuru, Tanzania Bloggers Network (TBN) inawapongeza Watanzania wote kwa kufikia hatua hii muhimu katika historia ya Taifa letu. Hii ni siku ya kutafakari safari tuliyotoka, mahali tulipo, na mwelekeo tunaoujenga kwa pamoja.

Waasisi wetu walituwachia zawadi kubwa—Uhuru. Lakini walituonya kuwa Uhuru hauwezi kuwa kamili bila kujitegemea. Leo tunakumbusha maneno ya Baba wa Taifa, Mwalimu Julius Kambarage Nyerere, aliyewahi kusisitiza:

"Uhuru hauwezi kukamilika pasipo kujitegemea. Hatuwezi kuitwa huru kama tunategemea wengine kutupatia mahitaji yetu ya kimsingi."

 Tujenge Taifa Letu – Tusiibomoe Tanzania

Kama mtandao wa habari za kidijitali, TBN inasisitiza kuwa mafanikio yetu kama Taifa yametokana na utulivu, umoja na mshikamano. Ili kuendelea mbele, tunahitaji kudumisha amani na maridhiano—nguzo muhimu za maendeleo.

Rais mstaafu Benjamin William Mkapa alituasa kwa busara:

"Amani si kitu cha asili; tunahitaji kuilinda na kuitunza kila siku. Bila amani, hakuna maendeleo ya kweli."

Tukikubali kuongozwa na chuki, uchochezi na vurugu, juhudi za waasisi wetu za kupambana na ujinga, umaskini na maradhi zitapotea. Tusiitumie mitandao au uhuru wa maoni kuharibu Taifa letu; tuitumie kulijenga.

Kila Zama na Kiongozi Wake – Tuunge Mkono Mageuzi

Kila kizazi kina wajibu wake. Kama alivyoeleza Rais mstaafu Ali Hassan Mwinyi:

"Kila utawala na zama zake. Kila kiongozi na mchango wake katika ujenzi wa Taifa hili."

Katika awamu ya sasa chini ya Rais Dkt. Samia Suluhu Hassan, Tanzania inaendelea na mwelekeo wa 4R: Reconciliation, Resilience, Reforms, and Rebuilding. Huu ni mwaliko kwa Watanzania wote kushiriki katika kujenga Taifa lenye maridhiano, mageuzi chanya na uimara wa kiuchumi na kijamii.

Tuna nafasi ya kuzungumza—basi tuseme kwa njia inayojenga, si inayobomoa. Kuthamini Uhuru ni kufanya kazi kwa bidii, kulinda amani, na kuacha kutumiwa kuharibu misingi ya Taifa letu.

 TBN Inawatakia Maadhimisho Mema ya Miaka 64 ya Uhuru!