WAZIRI MKUU AWASILI NCHINI URUSI.

Waziri Mkuu, Dkt. Mwigulu Nchemba, leo Oktoba 28, 2026, amewasili Moscow, nchini Urusi, ambapo anatarajia kumwakilisha Rais Dkt. Samia Suluhu Hassan katika Mkutano wa tatu wa Wakuu wa Nchi na Serikali kutoka mataifa ya Afrika na Urusi unaofanyika kuanzia leo Oktoba 28 hadi 29, 2026.

Mkutano huo utakaowakutanisha viongozi wa Urusi na nchi za Afrika na utaongozwa kwa pamoja na Rais wa Urusi, Vladimir Putin, na Mwenyekiti wa Umoja wa Afrika ambaye pia ni Rais wa Burundi, Évariste Ndayishimiye.

Mheshimiwa Dkt. Mwigulu amepokelewa na Balozi wa Tanzania nchini Urusi, Fredrick Ibrahim Kibuta, kwenye uwanja wa ndege wa Kimataifa wa Domodedovo, Moscow nchini Urusi

TANZANIA YAINGIA TANO BORA AFRICA KWA UTAWALA

Tanzania imeshika nafasi ya tano barani Afrika na nafasi ya 80 duniani katika Kielezo cha Chandler cha Utawala Bora Serikalini cha mwaka 2026 (CGGI), baada ya kurekodi maboresho makubwa zaidi katika utendaji wa jumla wa Serikali miongoni mwa nchi 23 za Afrika zilizotathminiwa tangu mwaka 2021.

Kwa mujibu wa Kundi la Chandler la Utawala Bora (CGG), Tanzania imepata ongezeko kubwa la alama katika maeneo ya sheria na sera imara pamoja na taasisi zenye nguvu, huku kiashiria cha ubunifu katika eneo la uongozi na mtazamo wa muda mrefu kikionyesha kupanda kwa nafasi ya nchi hiyo duniani kutoka ya 83 hadi ya 43.

Katika orodha ya Afrika, Tanzania imefuatia Mauritius, Rwanda, Botswana na Morocco zilizoshika nafasi nne za juu, huku Afrika Kusini ikishika nafasi ya sita. Kielezo hicho cha mwaka huu kimepanua wigo wa tathmini hadi nchi 133, zinazowakilisha asilimia 94 ya idadi ya watu duniani, kutoka nchi 120 mwaka 2025.

Mkurugenzi wa Maarifa wa Kundi la Chandler la Utawala Bora, Dinesh Naidu, amesema maendeleo yaliyopatikana katika sheria, sera na taasisi yanaonyesha juhudi za kuimarisha misingi ya Serikali iliyo wazi na yenye ufanisi. Amesema hatua inayofuata ni kuhakikisha mafanikio hayo yanachangia maboresho katika maeneo mengine ya utendaji wa Serikali.

Hata hivyo, Tanzania imekabiliwa na changamoto katika usimamizi wa fedha za umma pamoja na ushawishi na sifa kimataifa, ambako alama zake zilipungua kati ya mwaka 2021 na 2026. Aidha, nafasi yake duniani katika eneo la taasisi zenye nguvu imeshuka kutoka ya 92 hadi ya 100, licha ya ongezeko la alama.

Kwa upande wa Afrika, wastani wa alama umeongezeka katika maeneo sita kati ya saba yaliyopimwa katika kipindi cha mwaka mmoja uliopita. Hata hivyo, nchi 23 kati ya 35 za Afrika zilizotathminiwa bado ziko nje ya nafasi 100 bora duniani, huku hakuna nchi iliyofanikiwa kuingia katika nafasi 50 bora.

Kielezo cha Chandler cha Utawala Bora Serikalini hutumia viashiria 35 vilivyogawanywa katika maeneo makuu saba kutathmini uwezo na ufanisi wa Serikali. Kinalenga kusaidia nchi kubaini maeneo yanayohitaji maboresho, kufuatilia maendeleo na kujifunza kutoka kwa mifumo ya utawala inayotumiwa na nchi nyingine.

DKT. MWIGULU: TUNATAKA KUWA MIONGONI MWA WAZALISHAJI 10 BORA WA CHAKULA DUNIANI

 

WAZIRI MKUU Dkt. Mwigulu Nchemba amesema Tanzania inalenga kuwa miongoni mwa wazalishaji 10 bora wa chakula duniani kutokana na uwekezaji ambao umefanyika kwenye sekta ya kilimo.

“Matarajio yetu ya muda mrefu yameelezwa katika Dira ya Maendeleo Tanzania ya 2050. Chini ya lengo la kwanza, Tanzania inalenga kuwa mzalishaji mkuu wa chakula barani Afrika na miongoni mwa wazalishaji 10 bora wa chakula duniani,” alisema. 

Waziri Mkuu ameyasema hayo jana (Alhamisi, Oktoba 22, 2026) wakati akitoa mada kuu kwenye mjadala kuhusu Mustakabali wa Kilimo barani Afrika katika Mkutano wa Kimataifa wa Norman E. Borlaug (Borlaug Dialogue) unaoendelea katika Kituo cha Mikutano cha Iowa, jijini Des Moines, Marekani.

Aliwaeleza washiriki wa mkutano kwamba chini ya uongozi wa Rais Dkt. Samia Suluhu Hassan, Serikali iliongeza bajeti ya Wizara ya Kilimo kutoka shilingi bilioni 294 za Tanzania kwa mwaka 2021/2022 hadi shilingi trilioni 1.241 katika mwaka 2025/2026. “Hii inadhihirisha jinsi sekta ya kilimo ilivyopewa kipaumbele kama injini ya mabadiliko ya kiuchumi, utengenezaji wa ajira, usalama wa chakula na lishe, ukuaji wa viwanda na mauzo ya nje.”

Kutokana na jitihada hizo, Waziri Mkuu alisema Tanzania imefanikiwa kufikia kuwa na utoshelevu wa chakula wa asilimia 130. “Hii inaonesha uwezo wetu kukidhi mahitaji ya kitaifa ya chakula unaongezeka na kuweza kuzalisha ziada kwa masoko ya kikanda na kimataifa,” alisema na kuongeza: “Mauzo yetu ya nje ya kilimo yaliongezeka kutoka dola za Marekani bilioni 2.1 mwaka 2021/2022 hadi kufikia dola bilioni 3.7 mwaka 2024/2025.” 

Alisema nchini Tanzania, kilimo kinabaki kuwa nguzo ya mageuzi ya kiuchumi kwa kuwa hivi sasa inachangia asilimia 24.6 ya Pato la Taifa, inaajiri asilimia 65 ya nguvu kazi na inazalisha takriban asilimia 30 ya mapato ya mauzo ya nje na malighafi kwa viwanda nchini.

Alitumia fursa hiyo kumpongeza Mshindi wa Tuzo ya Chakula Duniani wa mwaka 2026 Prof. Huub Lelieveld kwa mafanikio aliyopata akisema kwamba yanaikumbusha dunia kuwa usalama wa chakula haupatikani tu wakati chakula kinapopatikana. “Ukweli wa kisayansi ni kwamba chakula ni lazima pia kiwe salama, chenye lishe na kinachoweza kupatikana kwa bei nafuu.

Prof. Lelieveld ni mwanasayansi wa Uholanzi ambaye amekuwa akijihusisha na masuala ya usalama wa chakula. Ametangazwa kuwa mshindi wa mwaka 2026 na Taasisi ya Tuzo ya Chakula Duniani (World Food Prize Foundation).

Akizungumzia kaulimbiu ya mjadala huo isemayo “Kabla Njaa Haijatushinda”, Waziri Mkuu alisema inahitaji uharaka, lakini uharaka lazima uambatane na matumaini. “Afrika siyo tu bara linalokabiliwa na changamoto za usalama wa chakula bali pia ina uwezo mkubwa wa kuwa mchangiaji mkubwa wa usalama wa chakula duniani. Na Tanzania inakusudia kuwa sehemu ya mabadiliko hayo,” alisisitiza.

“Acha tuwekeze kwa wakulima, na tuwekeze pia katika sayansi. Tuwekeze kwa vijana na wanawake. Tuwekeze katika mifumo thabiti ya chakula. Na zaidi ya yote, tuwekeze katika uwezo wa kilimo barani Afrika. Kwa kweli, kabla ya njaa haijatushinda, tuchukue hatua, tuwekeze na tuvumbue pamoja. Tujenge mifumo ya chakula inayoweza kulisha vizazi vya sasa na vijavyo,” alisisitiza.

Katika hatua nyingine, Mwanzilishi na Mhariri Mkuu wa Jarida la Chakula, Kilimo, Lishe na Maendeleo la Afrika, Prof. Ruth Oniang’o alisema anaamini ndani ya muda mfupi ujao, Tanzania itakuwa mfano kwa mataifa mengine kutokana na hatua inazopiga kwenye kilimo.

Prof. Oniang’o alikuwa akichangia mada ambapo alisifu jitihada za serikali zilizofanyika ikiwemo uwekezaji mkubwa katika miundombinu, kubuni miradi ya Jenga Kesho Bora (BBT) na kuwatumia maafisa ugani.

Waziri Mkuu ameambatana na Naibu Waziri wa Mambo ya Nje na Ushirikiano wa Afrika Mashariki, Dkt. Ngwaru Maghembe, Naibu Waziri wa Kilimo, David Silinde, Balozi wa Tanzania Washington, Dkt. Elsie Kanza na watendaji wengine wa Serikali.

NEEMA NKUMBI WINS BEST FEMALE MEDIA PERSONALITY AWARD IN SHINYANGA

 

Blogger Neema Nkumbi from Kahama District has won the Best Female Media Personality award at the second edition of the MDAU SHUPAVU Awards – Shinyanga 2026.

The awards were presented on 20 October 2026 at Miligo Hall in Kahama, Shinyanga Region, with winners across the various categories chosen through public voting.

Neema contributes to several digital news platforms, including Huheso Digital, Meza ya Mafanikio, Udadisi Live and Malunde 1 Blog, sharing news and information with the wider community.

Her award recognises her contribution to journalism and the work of women in keeping the public informed, particularly through digital platforms that provide news and educational content.

The MDAU SHUPAVU Awards were organised by HOLYSMILE, under its Director, Arnold A. Bweichum Jr, to recognise individuals, institutions and businesses contributing to community development.

The awards covered categories including media, business, entrepreneurship, entertainment, education, fashion and beauty, innovation and community development.

MCHENGERWA: DAWA BANDIA NI UHALIFU DHIDI YA WANANCHI

 

Na Happyness Hans, WAF - Dodoma

Waziri wa Afya, Mhe. Mohamed Omary Mchengerwa (Mb), ameitaka Mamlaka ya Dawa na Vifaa Tiba (TMDA) kuimarisha udhibiti wa dawa bandia na bidhaa za afya zisizokidhi viwango, akisema bidhaa hizo zinahatarisha maisha ya wananchi.

Akizungumza wakati wa uzinduzi wa Bodi ya Ushauri ya Wizara kwa TMDA, uliofanyika jijini Dodoma Oktoba 19, 2026, Mhe. Mchengerwa amesema udhibiti madhubuti unahitaji ujasiri, weledi na uadilifu, huku usalama wa wagonjwa ukipewa kipaumbele katika kila uamuzi. Amesisitiza kuwa TMDA inapaswa kukataa bidhaa au maombi ya usajili yasiyothibitisha usalama na ubora kwa mujibu wa ushahidi wa kisayansi, bila kujali ushawishi wa wawekezaji.

“Mdhibiti anayeogopa si mdhibiti; ni mhuri,” amesisitiza, akieleza umuhimu wa mamlaka hiyo kufanya maamuzi huru yanayolinda maslahi ya umma.

Ili kukabiliana na changamoto hiyo, ameitaka Bodi kusimamia uimarishaji wa ukaguzi wa bidhaa za afya sokoni na matumizi ya teknolojia.

𝐌𝐀𝐊𝐀𝐌𝐔 𝐖𝐀 𝐑𝐀𝐈𝐒: 𝐅𝐄𝐃𝐇𝐀 𝐙𝐀 𝐔𝐌𝐌𝐀 𝐙𝐈𝐋𝐄𝐓𝐄 𝐓𝐈𝐉𝐀, 𝐖𝐀𝐁𝐀𝐃𝐇𝐈𝐑𝐈𝐅𝐔 𝐇𝐀𝐖𝐀𝐓𝐀𝐕𝐔𝐌𝐈𝐋𝐈𝐖𝐀

Makamu wa Rais, Mhe. Deogratius John Ndejembi, amewataka viongozi na watendaji wa Serikali kusimamia ipasavyo fedha za miradi ya maendeleo, akionya kuwa Serikali ya Awamu ya Sita haitawavumilia wabadhirifu na watu wanaodai asilimia za fedha za miradi bila kufanya kazi.

Ameyasema hayo Oktoba 18, 2026, wakati akihitimisha ziara yake mkoani Iringa kwa kukagua ujenzi wa jengo la abiria na maegesho ya magari katika Kiwanja cha Ndege cha Iringa, unaogharimu zaidi ya shilingi bilioni 41.

Ameagiza kutathminiwa uwezekano wa kuweka taa zitakazowezesha ndege kutua na kuruka usiku, huku akisisitiza uzalendo na wajibu wa kila Mtanzania kuchangia maendeleo ya Taifa.

Aidha, amemtaka Waziri wa Ujenzi, Mhe. Masanja Kadogosa, kuhakikisha mkandarasi wa barabara ya mchepuo wa Iringa anarejea kazini ili kukamilisha mradi huo uliokwama licha ya Serikali kutoa fedha.

Kwa upande wake, Naibu Waziri wa Uchukuzi, Mhe. David Kihenzile, amesema Serikali imetenga takribani shilingi trilioni moja kwa ajili ya ujenzi na maboresho ya viwanja vya ndege katika mikoa 11 nchini.

Naye Mtendaji Mkuu wa TANROADS, Mhandisi Mohamed Besta, amesema mradi wa Kiwanja cha Ndege cha Iringa unatarajiwa kukamilika Mei 30, 2027, ukiwa na uwezo wa kuhudumia abiria 250,000 kwa mwaka na maegesho ya magari 80.

KIMARA KUFUNGA CCTV KUDHIBITI UPOTEVU WA MAPATO KIBITI

 

Mkurugenzi Mtendaji wa Halmashauri ya Wilaya ya Kibiti, Ndugu Ramadhan Ali Kimara, amesema amedhamiria kufunga kamera za CCTV katika maeneo ya ukusanyaji wa mapato ili kudhibiti upotevu na kuongeza uwazi.

Akizungumza na wakusanya mapato tarehe 18 Oktoba 2026, Kimara amewasisitiza kutekeleza majukumu yao kwa uwajibikaji, uadilifu na ufanisi. Amefafanua kuwa kamera hizo zitasaidia kuimarisha usimamizi wa mapato na kurahisisha kazi zao.

Aidha, ameahidi kushughulikia changamoto zinazowakabili, hususan upungufu wa vitendea kazi, huku akiwahimiza kushirikiana kuhakikisha fedha zinazokusanywa zinaboresha huduma kwa wananchi na kuchangia maendeleo ya Kibiti.