DKT. MWIGULU: TUNATAKA KUWA MIONGONI MWA WAZALISHAJI 10 BORA WA CHAKULA DUNIANI

 

WAZIRI MKUU Dkt. Mwigulu Nchemba amesema Tanzania inalenga kuwa miongoni mwa wazalishaji 10 bora wa chakula duniani kutokana na uwekezaji ambao umefanyika kwenye sekta ya kilimo.

“Matarajio yetu ya muda mrefu yameelezwa katika Dira ya Maendeleo Tanzania ya 2050. Chini ya lengo la kwanza, Tanzania inalenga kuwa mzalishaji mkuu wa chakula barani Afrika na miongoni mwa wazalishaji 10 bora wa chakula duniani,” alisema. 

Waziri Mkuu ameyasema hayo jana (Alhamisi, Oktoba 22, 2026) wakati akitoa mada kuu kwenye mjadala kuhusu Mustakabali wa Kilimo barani Afrika katika Mkutano wa Kimataifa wa Norman E. Borlaug (Borlaug Dialogue) unaoendelea katika Kituo cha Mikutano cha Iowa, jijini Des Moines, Marekani.

Aliwaeleza washiriki wa mkutano kwamba chini ya uongozi wa Rais Dkt. Samia Suluhu Hassan, Serikali iliongeza bajeti ya Wizara ya Kilimo kutoka shilingi bilioni 294 za Tanzania kwa mwaka 2021/2022 hadi shilingi trilioni 1.241 katika mwaka 2025/2026. “Hii inadhihirisha jinsi sekta ya kilimo ilivyopewa kipaumbele kama injini ya mabadiliko ya kiuchumi, utengenezaji wa ajira, usalama wa chakula na lishe, ukuaji wa viwanda na mauzo ya nje.”

Kutokana na jitihada hizo, Waziri Mkuu alisema Tanzania imefanikiwa kufikia kuwa na utoshelevu wa chakula wa asilimia 130. “Hii inaonesha uwezo wetu kukidhi mahitaji ya kitaifa ya chakula unaongezeka na kuweza kuzalisha ziada kwa masoko ya kikanda na kimataifa,” alisema na kuongeza: “Mauzo yetu ya nje ya kilimo yaliongezeka kutoka dola za Marekani bilioni 2.1 mwaka 2021/2022 hadi kufikia dola bilioni 3.7 mwaka 2024/2025.” 

Alisema nchini Tanzania, kilimo kinabaki kuwa nguzo ya mageuzi ya kiuchumi kwa kuwa hivi sasa inachangia asilimia 24.6 ya Pato la Taifa, inaajiri asilimia 65 ya nguvu kazi na inazalisha takriban asilimia 30 ya mapato ya mauzo ya nje na malighafi kwa viwanda nchini.

Alitumia fursa hiyo kumpongeza Mshindi wa Tuzo ya Chakula Duniani wa mwaka 2026 Prof. Huub Lelieveld kwa mafanikio aliyopata akisema kwamba yanaikumbusha dunia kuwa usalama wa chakula haupatikani tu wakati chakula kinapopatikana. “Ukweli wa kisayansi ni kwamba chakula ni lazima pia kiwe salama, chenye lishe na kinachoweza kupatikana kwa bei nafuu.

Prof. Lelieveld ni mwanasayansi wa Uholanzi ambaye amekuwa akijihusisha na masuala ya usalama wa chakula. Ametangazwa kuwa mshindi wa mwaka 2026 na Taasisi ya Tuzo ya Chakula Duniani (World Food Prize Foundation).

Akizungumzia kaulimbiu ya mjadala huo isemayo “Kabla Njaa Haijatushinda”, Waziri Mkuu alisema inahitaji uharaka, lakini uharaka lazima uambatane na matumaini. “Afrika siyo tu bara linalokabiliwa na changamoto za usalama wa chakula bali pia ina uwezo mkubwa wa kuwa mchangiaji mkubwa wa usalama wa chakula duniani. Na Tanzania inakusudia kuwa sehemu ya mabadiliko hayo,” alisisitiza.

“Acha tuwekeze kwa wakulima, na tuwekeze pia katika sayansi. Tuwekeze kwa vijana na wanawake. Tuwekeze katika mifumo thabiti ya chakula. Na zaidi ya yote, tuwekeze katika uwezo wa kilimo barani Afrika. Kwa kweli, kabla ya njaa haijatushinda, tuchukue hatua, tuwekeze na tuvumbue pamoja. Tujenge mifumo ya chakula inayoweza kulisha vizazi vya sasa na vijavyo,” alisisitiza.

Katika hatua nyingine, Mwanzilishi na Mhariri Mkuu wa Jarida la Chakula, Kilimo, Lishe na Maendeleo la Afrika, Prof. Ruth Oniang’o alisema anaamini ndani ya muda mfupi ujao, Tanzania itakuwa mfano kwa mataifa mengine kutokana na hatua inazopiga kwenye kilimo.

Prof. Oniang’o alikuwa akichangia mada ambapo alisifu jitihada za serikali zilizofanyika ikiwemo uwekezaji mkubwa katika miundombinu, kubuni miradi ya Jenga Kesho Bora (BBT) na kuwatumia maafisa ugani.

Waziri Mkuu ameambatana na Naibu Waziri wa Mambo ya Nje na Ushirikiano wa Afrika Mashariki, Dkt. Ngwaru Maghembe, Naibu Waziri wa Kilimo, David Silinde, Balozi wa Tanzania Washington, Dkt. Elsie Kanza na watendaji wengine wa Serikali.

NEEMA NKUMBI WINS BEST FEMALE MEDIA PERSONALITY AWARD IN SHINYANGA

 

Blogger Neema Nkumbi from Kahama District has won the Best Female Media Personality award at the second edition of the MDAU SHUPAVU Awards – Shinyanga 2026.

The awards were presented on 20 October 2026 at Miligo Hall in Kahama, Shinyanga Region, with winners across the various categories chosen through public voting.

Neema contributes to several digital news platforms, including Huheso Digital, Meza ya Mafanikio, Udadisi Live and Malunde 1 Blog, sharing news and information with the wider community.

Her award recognises her contribution to journalism and the work of women in keeping the public informed, particularly through digital platforms that provide news and educational content.

The MDAU SHUPAVU Awards were organised by HOLYSMILE, under its Director, Arnold A. Bweichum Jr, to recognise individuals, institutions and businesses contributing to community development.

The awards covered categories including media, business, entrepreneurship, entertainment, education, fashion and beauty, innovation and community development.

MCHENGERWA: DAWA BANDIA NI UHALIFU DHIDI YA WANANCHI

 

Na Happyness Hans, WAF - Dodoma

Waziri wa Afya, Mhe. Mohamed Omary Mchengerwa (Mb), ameitaka Mamlaka ya Dawa na Vifaa Tiba (TMDA) kuimarisha udhibiti wa dawa bandia na bidhaa za afya zisizokidhi viwango, akisema bidhaa hizo zinahatarisha maisha ya wananchi.

Akizungumza wakati wa uzinduzi wa Bodi ya Ushauri ya Wizara kwa TMDA, uliofanyika jijini Dodoma Oktoba 19, 2026, Mhe. Mchengerwa amesema udhibiti madhubuti unahitaji ujasiri, weledi na uadilifu, huku usalama wa wagonjwa ukipewa kipaumbele katika kila uamuzi. Amesisitiza kuwa TMDA inapaswa kukataa bidhaa au maombi ya usajili yasiyothibitisha usalama na ubora kwa mujibu wa ushahidi wa kisayansi, bila kujali ushawishi wa wawekezaji.

“Mdhibiti anayeogopa si mdhibiti; ni mhuri,” amesisitiza, akieleza umuhimu wa mamlaka hiyo kufanya maamuzi huru yanayolinda maslahi ya umma.

Ili kukabiliana na changamoto hiyo, ameitaka Bodi kusimamia uimarishaji wa ukaguzi wa bidhaa za afya sokoni na matumizi ya teknolojia.

𝐌𝐀𝐊𝐀𝐌𝐔 𝐖𝐀 𝐑𝐀𝐈𝐒: 𝐅𝐄𝐃𝐇𝐀 𝐙𝐀 𝐔𝐌𝐌𝐀 𝐙𝐈𝐋𝐄𝐓𝐄 𝐓𝐈𝐉𝐀, 𝐖𝐀𝐁𝐀𝐃𝐇𝐈𝐑𝐈𝐅𝐔 𝐇𝐀𝐖𝐀𝐓𝐀𝐕𝐔𝐌𝐈𝐋𝐈𝐖𝐀

Makamu wa Rais, Mhe. Deogratius John Ndejembi, amewataka viongozi na watendaji wa Serikali kusimamia ipasavyo fedha za miradi ya maendeleo, akionya kuwa Serikali ya Awamu ya Sita haitawavumilia wabadhirifu na watu wanaodai asilimia za fedha za miradi bila kufanya kazi.

Ameyasema hayo Oktoba 18, 2026, wakati akihitimisha ziara yake mkoani Iringa kwa kukagua ujenzi wa jengo la abiria na maegesho ya magari katika Kiwanja cha Ndege cha Iringa, unaogharimu zaidi ya shilingi bilioni 41.

Ameagiza kutathminiwa uwezekano wa kuweka taa zitakazowezesha ndege kutua na kuruka usiku, huku akisisitiza uzalendo na wajibu wa kila Mtanzania kuchangia maendeleo ya Taifa.

Aidha, amemtaka Waziri wa Ujenzi, Mhe. Masanja Kadogosa, kuhakikisha mkandarasi wa barabara ya mchepuo wa Iringa anarejea kazini ili kukamilisha mradi huo uliokwama licha ya Serikali kutoa fedha.

Kwa upande wake, Naibu Waziri wa Uchukuzi, Mhe. David Kihenzile, amesema Serikali imetenga takribani shilingi trilioni moja kwa ajili ya ujenzi na maboresho ya viwanja vya ndege katika mikoa 11 nchini.

Naye Mtendaji Mkuu wa TANROADS, Mhandisi Mohamed Besta, amesema mradi wa Kiwanja cha Ndege cha Iringa unatarajiwa kukamilika Mei 30, 2027, ukiwa na uwezo wa kuhudumia abiria 250,000 kwa mwaka na maegesho ya magari 80.

KIMARA KUFUNGA CCTV KUDHIBITI UPOTEVU WA MAPATO KIBITI

 

Mkurugenzi Mtendaji wa Halmashauri ya Wilaya ya Kibiti, Ndugu Ramadhan Ali Kimara, amesema amedhamiria kufunga kamera za CCTV katika maeneo ya ukusanyaji wa mapato ili kudhibiti upotevu na kuongeza uwazi.

Akizungumza na wakusanya mapato tarehe 18 Oktoba 2026, Kimara amewasisitiza kutekeleza majukumu yao kwa uwajibikaji, uadilifu na ufanisi. Amefafanua kuwa kamera hizo zitasaidia kuimarisha usimamizi wa mapato na kurahisisha kazi zao.

Aidha, ameahidi kushughulikia changamoto zinazowakabili, hususan upungufu wa vitendea kazi, huku akiwahimiza kushirikiana kuhakikisha fedha zinazokusanywa zinaboresha huduma kwa wananchi na kuchangia maendeleo ya Kibiti.

𝗣𝗢𝗟𝗜𝗦𝗜 𝗢𝗡𝗚𝗘𝗭𝗘𝗡𝗜 𝗡𝗚𝗨𝗩𝗨 𝗞𝗨𝗭𝗨𝗜𝗔 𝗔𝗝𝗔𝗟𝗜 - MHE. 𝗞𝗔𝗧𝗔𝗠𝗕𝗜

 

Waziri wa Mambo ya Ndani ya Nchi, Mhe. Patrobas Katambi, ameliagiza Jeshi la Polisi kuongeza nguvu katika kukabiliana na makosa ya usalama barabarani kwa lengo la kuzuia vifo na majeruhi vinavyotokana na ajali za barabarani.

Mhe. Katambi ametoa agizo hilo, Oktoba 10, 2026, wakati akizungumza na waandishi wa habari katika ukumbi wa mikutano wa Makao Makuu ya Jeshi la Polisi Zanzibar huku akisisitiza umuhimu wa kuimarisha usimamizi wa sheria za usalama barabarani ili kulinda maisha ya wananchi.

Pia, ameitaka jamii kusimamia maadili na kuhakikisha watoto wanapata malezi bora, akieleza kuwa, malezi yenye misingi imara ya maadili ni muhimu katika kujenga taifa bora la baadaye.

Aidha, amezitaka mamlaka nyingine zinazohusika na ulinzi na usalama, ikiwemo Idara ya Uhamiaji, kushirikiana na Jeshi la Polisi katika kukabiliana na wahamiaji haramu wanaoingia nchini bila kufuata taratibu na sheria zilizowekwa.

Australia’s Milton Dick succeeds Tanzania’s Tulia Ackson as IPU President

By TBN Reporter

ARUSHA, Tanzania, 9 October 2026 — Dr Tulia Ackson of Tanzania, who became President of the Inter-Parliamentary Union (IPU) after succeeding Portugal’s Duarte Pacheco in Luanda, Angola, in October 2023, has completed her three-year term, and was succeeded on Friday by Australia’s Speaker of the House of Representatives, Milton Dick, elected during the IPU’s 153rd Assembly in Arusha. 

Dick won 56 per cent of the vote in a single round of secret-ballot voting. Sahiba Gafarova, Speaker of Azerbaijan’s Milli Majlis, received 38 per cent, while Chilean Senator Rojo Edwards Silva received six per cent. Dick is the 32nd President of the IPU. 

Ackson was elected the IPU’s 31st President on 27 October 2023, at the 147th Assembly in Luanda. She was the first African woman to hold the office. 

Her successor, Dick, has represented the federal electorate of Oxley, Queensland, since 2016. He became Speaker of Australia’s House of Representatives in 2022 and was re-elected unopposed in 2025. 

After the result was announced, Dick called for unity among the organisation’s member parliaments.

“Today, there are no winners or losers. The IPU has spoken with one voice. This is democracy,” he said. “Dialogue still matters, respect still matters, cooperation still matters. We will work together, listen to one another and seek common ground.” 

As President, Dick will chair the IPU’s statutory meetings and represent the organisation at international events. He will work alongside IPU Secretary-General Anda Filip. 

The election marks a change in leadership for the global parliamentary organisation, as its members continue to address questions of democratic representation, international cooperation and the role of parliaments in responding to shared global challenges.