Baraza kuu la waislamu (BAKWATA) mkoani Kilimanjaro limekana kuhusika na usambazaji wa vipeperushi vinavyoshawishi wananchi kususia zoezi la Sensa...!

Baraza kuu la waislamu (BAKWATA) mkoani Kilimanjaro limekana kuhusika

juu ya vipeperushi vinavyosambazwa kushawishi watu wasishiriki katika

sensa ya watu na makazi inayotarajia kufanyika usiku wa kuamkia

augusti 26 mwaka huu.

Akizungumza katika kikao cha dharura cha baraza hilo,shekhe mkuu wa

mkoa wa Kilimanjaro Sheikhe Shaban Rashid amesema wao kama baraza

hawahusiki na vipeperushi hivyo na kwa yeyote anayehusika yafaa

kuchukuliwa hatua kali.

Sheikhe Shaban ameyasema hayo baada ya kukamatwa kwa watu sita

wilayani mwanga na wilayani same ambapo amesema kitendo cha

kusambaza vipeperushi hivyo kwa dini ya kiislamu ni aibu kwani ni kuipinga

serikali kwa kutotii maagizo yake ambayo ni kwa manufaa ya wananchi

wake na waislamu pia.

Kwa upande wake mwenyekiti wa baraza hilo sheikhe Ramadhan Salim

amewataka waislamu mkoani hapa kuwapuuza wanaosambaza vipeperushi

hivyo na kuunga mkono jitihada za serikali ili kufanikisha zoezi hilo

ambalo ni kwa manufaa ya taifa zima na waislamu kwa ujumla sanjari na

kuwaonya wale wanaotaka kugomea zoezi hilo kutokufanya hivyo kwani ni

kinyume na taratibu za dini ya kiislamu.