Banner

Banner

Imetosha Mdimu

Imetosha Mdimu

FOLLOW US FACEBOOK

propertyfinder.co.tz

Friday, July 26, 2013

SERIKALI YA TANZANIA YAWAANZISHIA WAHITIMU WA ELIMU YA JUU MIKOPO MAALUMU...!

059
 Mkuu wa kitengo cha mawasiliano serikalini toka Wizara ya kazi na ajira Ridhiwan Wema akieleza kwa waandishi wa habari juu ya mpango wa serikali kupitia Wizara hiyo kukuza ajira kwa vijana wahitimu wa vyuo vya Elimu ya Juu katika mkutano uliofanyika katika ukumbi wa Idara ya Habari leo
Jijini Dar Es Salaam,kulia ni Mkurugenzi Msaidizi Idara ya Habari Zamaradi Kawawa.

Na Hassan Silayo- Maelezo
Serikali kupitia wizara ya Kazi na Ajira imepania kuondoa tatizo la ajira nchini kwa vijana wahitimu wa vyuo vya elimu ya juu, kwa kuanzisha mpango maalum utakaotekelezwa na Serikali kwa kushirikiana na vyuo vya elimu ya juu nchini, Taasisi za fedha na wabia wa maendeleo.
Katika mkutano na waandishi wa habari leo jijini Dar es Salaam, Mkuu wa Kitengo cha Mawasiliano Serikalini wa Wizara hiyo Ridhiwan Wema, amesema kutokana na tatizo la ajira nchini hasa kwa wahitimu vyuo vikuu, Serikali kupitia Wizara ya Kazi na Ajira tumeamua kushirikiana na vyuo vya elimu ya juu nchini, Taasisi za fedha na wabia wa maendeleo ili kuweza kukabiliana na changamoto hii.
Katika kuhakikisha serikali inatekeleza azma hii tayari Wizara imeanzisha Idara ya kilimo, uchumi na Biashara katika Chuo Kikuu cha Kilimo cha Sokoine (DAEA-SUA) na tayari Serikali imefanya makubaliano  na Benki ya CRDB kuanza utoaji wa mikopo kwa vijana mara  utekelezaji wa mpango huu utakapoanza.
Mpango huu ambao utatekelezwa kwa awamu tatu utaweza kuwawezesha vijana 30,000 kupitia miradi 1,000 inayolengwa kuanzishwa katika awamu zote.
Aidha Ridhiwani ameongeza kuwa uanzishwaji wa miradi hii unalenga kuwanufaisha wengi kwani miradi hiyo itawezeshwa na kuzalisha ajira kwa vijana wengine zaidi ya 26,000 na hii ikiwa ni lengo la serikali kutimiza azma yake ya kuondoa tatizo la ajira kwa vijana nchini.
Ridiwani ameongeza kuwa Jumla ya shilingi bilioni 54.451 zitahitajika kwa kipindi cha miaka 3 ya utekelezaji wa program, ambapo shilingi Bilioni 50 zitawekwa dhamana na shilingi bilioni 4.451 zitatumika katika mafunzo na kuwaandaa vijana ili waweze kukopesheka.
Utaratibu wa ukopeshaji ni wastani wa shilingi milioni 50 hadi 300 kulingana na mradi na Utaratibu wa utekelezaji na viwango vya riba, utaainishwa katika mpango kazi wa utekelezaji program.
 
Source: MO Blog

No comments:

Post a Comment