Madaktari katika hospital ya rufaa ya KCMC watangaza mgomo mkali..

 Wamama wajawazito wakisubiria muafaka wa mgomo wa madaktari

MADKTARI katika Hospitali ya Rufaa ya KCMC  mkoani Kilimanjaro wametangaza mgomo mkali kuliko sikuzote kufuatia kukamatwa na kupigwa kwa kiongozi wa chama cha madaktari nchi Dr. Steven Ulimboka.

Wakizungumza mara baada ya kupita katika wodi zote wakiwatoa madaktari waliokuwa wakitoa huduma katika wodi hizo walisema kuwa wanalaani kitendo cha kukamatwa na kutekwa kwa kiongozi wao wakati akiwa anapigania haki zao.

Wakizungumza na gazeti hilo baadhi ya madaktari hao ambao hawakutaka majina yao yaandikwe walisema kuwa serikali inabidi itambue kuwa wao ni watu muhimu katika taifa na kwamba kupotea kwa daktari mmoja itawagarimu zaidi ya miaka nane kumpata mwingine.

Aidha walivitaka vyombo vyote vya usala nchini kutoa taarifa juu ya kutekwa kwa kiongozi huyo na kupigwa kwake na kwamba pasipo kufanya hivyo wananchi pamoja na madktari hao hawatakuwa na imani na vyombo hivyo.

Waliendelea kusema kuwa kutokana na tukio hilo hata yale matibabu ya dharura waliyo kuwa wakitoa kwa baadhi ya wagonjwa hayatatolewa tena kutokana na usalama wao kuwa mashakani.

Kwa upande wao wagonjwa waliokuwa wamelazwa katika hosptalini hapo walisema kuwa mgomo huo unaendelea kuleta madhara makubwa kufuatia idadi ya wanao poteza maisha kuendelea kuongezeka siku hadi siku.

Anna Mdapo na Halima Muhamed ni wanawake wajawazito waliopo katika hosptali hiyo ambapo walisema kuwa serikali ni vema ikakaa na madktari hao meza moja ili kuweza kutatua tatizo hilo kutokana na wanao athirika zaidi ni wananchi wasio kuwa na hatia.

Hata Hivyo juhudi za kumtafuta mkurugenzi wa Hosptali hiyo kuzungumzia tatizo hilo ziligonga mwamba baada ya kutafutwa kwa muda mrefu na waandhi bila mafanikio.