VILIO VYATANDA KWA WAHITIMU WA UHIFADHI WA WANYAMAPORI CHUO CHA PASIANSI, MWANZA...!

Wanafunzi wa chuo cha Pasiansi, Mwanza wakiwa katikati ya pori 

la serengeti, katika zoezi la kufunga na kufungua silaha.

 

Hawa ndio wahitimu wa chuo cha Pasiansi, Mwanza, wa June 2012.

Chuo cha taaluma ya wanyamapori pasiansi, kinachopatikana mkoani mwanza, 

wilaya ya ilemela. Chuo hiki chenye sifa ya kutoa askari wahifadhi waliopewa 

mafunzo ya silaha, kwata chini ya kamishina mstaafu wa jeshi la polisi 

Venance Tossi ambaye pia anaendesha mafunzo ya askari waajiriwa ndani ya 

idara ya wanyamapori, na mamlaka ya hifadhi ya ngorongoro , na tabia mbalimbali 

za wanyama. Pia chuo hiki ambacho kimetoa idadi kubwa ya askari ambao 

wameajiriwa katika idara ya wanyamapori, mamlaka ya hifadhi ya ngorongoro na 

hifadhi za taifa miaka miwili iliyopita na kurudi nyuma. Lakini pamoja na kutoa 

askari wenye ujuzi wenye mbinu za kijeshi bado ajira kwa askari hawa limekuwa 

tatizo kubwa kiasi kwamba inahatarisha kwa askari hawa kujiingiza kwenye ujangiri, 

ujambazi na mambo mengine yasiyofaa katika jamii kwa ujumla.
Mwaka 2010 kozi na. 45 na. 3 ya mafunzo ya astashahada ya awali ngazi ya cheti yaani 

Basic Technician Certificate in Wildlife Management na mafunzo ya stashahada 

ngazi ya cheti yaani Technician Certificate in Wildlfe Management ndiyo kozi za 

mwisho kuajiriwa na Hifadhi za Taifa (TANAPA) na mamlaka ya hifadhi ya ngorongoro.

 Kozi ziliyofuata na. 46 na 2 ya astashahada ya awali na stashahada ngazi ya cheti yaani 

Basic na Technician Certificate in Wildlife Management ambazo zina idadi kubwa ya

 askari ambao hawajaajiriwa mwaka wa pili umeanza sasa bado wapo nyumbani. Kutokana 

na chuo kupata sifa nyingi idadi ya wanafunzi askari watarajiwa imezidi kuongezeka 

miaka inavyozidi kwenda hadi sasa kuna kozi na. 47 na 3 zote zipo nyumbani zinasubiria 

ajira. Mwezi wa 4 mwaka 2012 idara ya wanyamapori kupitia idara ya utumishi ilitangaza 

nafasi 130 za askari wahifadhi wanyamapori ngazi ya certificate cha kushangaza idadi 

kubwa ya watu walioitwa kwa ajili ya interview ni wale waliopitia vyuo vya mtaani 

visivyotambulika na serikali na kuacha askari wengi kutoka pasiansi. Wanafunzi hao 

walioitwa kwa ajili ya interview ni wale waliopitia vyuo vya tour guide.
Chuo cha taaluma ya wanyamapori pasiansi kipo chini ya idara ya wanyamapori na wao 

ndiyo wahusika waliotoa nafasi cha kushangaza wanachukuliwa watu ambao hata silaha,

kwata na ukakamavu hawana. Basi idara ingekifuta chuo kisitambulike ukizingatia chuo 

kinachaji ada kubwa ambapo wazazi wanajinyima ili kumlipia mtoto wakitegemea 

hakihitimu hataajiriwa. Ada ni 2,800,000/= kwa Basic Technician Certificate in 

Wildlife Management na 3,000,000/= kwa Technician Certificate in Wildlife Management.

Malalamiko hayo yametolewa na baadhi ya wanafunzi walio hitimu chuoni hapo ambao 

hawakupenda kutaja majina yao..