VIONGOZI WA CHADEMA WASEMA WATAENDELEA KUWAANDAMANISHA VIJANA HUKU WAO WAKIWA WAMEJIFICHA...!

 KATIKATI NI MWENYEKITI WA CHADEMA 

MBEYA MJINI JOHN MWAMBIGIJA.

KATIKA hali ya kusikitisha, Chama cha demokrasia na Maendeleo (CHADEMA) wilaya ya Mbeya kimesema kuwa kitaendelea kuwaandamanisha vijana ambao watapambana na vyombo vya dola huku wao wakiwa wamejificha na kuyaratibu maandamano hayo.

Kauli hiyo ya kutisha kwa mustakabali wa wafuasi wa chama hicho hasa vijana, ilitolewa jana na viongozi wa chama hicho wilaya ya Mbeya Mjini katika kikao chao na waandishi wa habari baada ya kuulizwa kuwa kwanini wanayaratibu maandamano ambayo wao wanajificha.

Mwenyekiti wa chama hicho wilayani humo John Mwambigija ambaye swali lilimlenga moja kwa moja yeye kufuatia kauli zake zinazodaiwa kuwa ni za uchochezi, alisema kuwa mtindo huo ataendelea kuutumia ili yanapozidi na viongozi wa Serikali wanapohaha yeye anaamuru vikosi vyake vingine kwa ajili ya kuyarudisha nyuma maandamano.

''Ni kweli mimi na viongozi wenzangu hatuwezi kuonekana katika maandamano hayo ili kama Serikali inazidiwa tunayarudisha nyuma lakini katika maandamano hayo hatuwatumi waandamanaji kuchoma moto au kuharibu mali za watu labda inajitokeza kutokana na wao wenyewe kujitambua'' alisema Mwambigija.

Majibu hayo yalidhihilisha kuwa maandamano yanayofanywa chini ya uratibu wa chama hicho na uongozi wake endapo yataendelea kufumbiwa macho na Serikali yanaweza kuleta madhara makubwa siku za usoni.

Uongozi wa Mtandao huu wa chanzo chetu cha habari unatoa tahadhali hasa kwa vijana ambao wanaandamanishwa kuwa makini na njia zinazotumika na wanasiasa kwani madhara wanayoyapata wao ni faida kwa viongozi hao wa vyama na familia zao ambazo hawazipeleki katika maandamano hayo kutokana na kujua athari zake.